Црногорецот Лука Бакиќ е новото засилување на пингпонгарскиот тим “Младост 96”-Прилеп во пресрет на дебитанскиот настап во Трофејот на Европа
Како и во секој спорт каде што во квалитетните спортски екипи настануваат голем број на трансфери, така-точно баш такви трансфери се случуваат и во квалитетните македонски спортски клубови, кои на спортската сцена од страна на спортската публика и спортските обожаватели се препознаени како успешни спортски брендови. А кога зборуваме за спортски бренд кој што постојано бележи успеси во пинг-понгот, тогаш тука секогаш станува збор за Шампионот “Младост 96” од Прилеп, пингпонгарски тим кој што доби уште едно ново засилување во пресрет на дебитанскиот настап во Трофејот на Европа-натпреварување кое што е во рамките на Европската пингпонгарска унија. Ова големо спортско засилување на прилепскиот пингпонгарски тим е црногорецот Лука Бакиќ, кој што во неговата досегашна спортска историја е дефиниран како мошне квалитетен играч и репрезентативец.
Со помош на Бакиќ прилепскиот пинпонгарски тим ќе стане уште посилен за да биде кандидат за првото место во “Г групата”, каде уште ќе настапат романскиот “Одорхеи” и српскиот”Темерин”. Натпреварите од Трофејот на Европа ќе се одржат на 28 и 29 мај оваа година во Одорхеи. Во прилепскиот пингпонгарски тим, покрај Бакиќ, уште се пријавени и Србинот Стефан Костадиновиќ, а покрај него, боите на овој клуб ќе ги претставуваат и следните домашните играчи: Александар Рикалоски, Петар Костовски, Андреј Лашкоски, Антонио Стомнароски и Раиф Рустемовски-предводени од тренерот Тошески Гоце.
