ППК “Младост 96”-Прилеп денеска оствари убедлива победа со 4:1 во полуфиналето во првиот полуфинален натпревар од плеј оффот

Пинг-понгарскиот клуб “Младост 96”-Прилеп, денеска во пингпонгарската сала на “Партизан” со почеток во 12:00 часот, спремни го дочекаа нивниот противник од Штип, при што овој прилепски пингпонгарски клуб денеска оствари убедлива победа во полуфиналето во првиот полуфинален натпревар од плеј оффот, а конечниот резултат заврши со 4-1. На овој пингпонгарски натревар, прилепскиот пингпонгарски клуб беше бодрен и од страна на прилепскиот градоначалник Борче Јовчески, како и од Претседателот на Советот на Општина Прилеп-Дејан Проданоски кој дојде во придружба на своето семејство. Како резултат на денешната победа на “Младост 96”, утре-недела 22.05.2022 ќе се одигра возвратениот натпревар во Штип, при што ако “Младост 96” и таму оствари победа, тогаш во таков случај, прилепскиот пингпонгарски клуб ќе се пласира во финалето.

“Младост 96”-Прилеп оствари убедлива победа во првиот полуфинален натпревар од плеј оффот.Победа против Шампони ФА со резултат од 4-1. Утре се игра реваншот во Штип и со победа “Младост 96”-Прилеп ќе влези во финале и ќе се обиде да ја одбрани титулата. Како и секогаш така и денес, огромна поддршка имавме од страна на градоначалникот на Прилеп,и Претседателот на Совет на Прилеп, кој заедно со својата фамилија го подреа тимот до убедливата победа”-истакна Златко Рикалоски.

Како што објавивме во текот на вчерашниот ден, веќе во понеделник “Младост 96” заминува за Србија во Суботица, на дополнителни припреми за учеството во Европските купови. Прилепскиот пингпонгарски клуб ќе направи конкретен обид да го освои првото место во Романија, а со самото тоа да се избори за Гранд финалето кое ќе се одржи во јуни оваа година во Хавиров-Чешка.