ВЕЧНА ПОЧИТ ЗА ХЕРОИТЕ ОД КАРПАЛАК! Прилеп се подготвува за одбележувањето на 23 годишнината од Карпалак
Прилеп се подготвува за одбележувањето на 23 годишнината од Карпалак. Како и секоја година, така и оваа, одбележувањето ќе биде на 07 и 08 август со положување на свежо цвеќе во касарната „Мирче Ацев“-Прилеп и пред спомен обележјето кај селото Лениште.
На ваков начин, ќе започне одбележувањето на 23-годишнината од трагичниот настан кај месноста Карпалак, каде 10 прилепски воени резервисти, храбро го дадоа својот живот за Македонија.
Исто така, претставници од Владата и бројни делегации ќе положат свежо свеќе и пред споменикот Карпалак во центарот на градот, а во црквата св. Петка во населба Точила ќе се одржи панихида за бранителите.
Карпалак ќе биде вечен спомен за македонските синови, чии животи згаснаа за нашата татковина Република Македонија.
