ЖАЛОСНО: Сите пет патници од исчезнатата подморница „Титан“ се мртви -објави „Оушнгејт“
Kомпанијата „Оушнгејт“ објави дека сите пет патници од исчезнатата подморница „Титан“ се мртви. Со ова се става трагичен крај на обемната потрага која траеше од неделата.
„Нашиот извршен директор – Стоктон Раш, Шахзада Давуд и неговиот син Сулејман, Хамиш Хардинг и Пол-Анри Наржеоле се починати. Овие луѓе беа вистински истражувачи кои делеа авантуристички дух и длабока страст кон истражувањето и заштитата на океаните“, истакнаа од „Оушнгејт“.
