Прилепскиот Градоначалник Борче Јовчески со честитка до прилепчани по повод најголемиот христијански празник “Велигден”

Прилепскиот Градоначалник Борче Јовчески со честитка до прилепчани по повод најголемиот христијански празник “Велигден”. Имено, оваа искрена честитка во целост Ви ја пренесуваме во прилог на оваа објава:

„На сите православни христијани им го честитам големиот празник Воскресение Христово – Велигден. Овој најголем христијански празник е уште поголема можност да шириме позитивни мисли, љубов и разбирање кон сите, и да го чуваме и негуваме нашиот Македонски идентитет, култура и традиција. Токму традицијата е богатството на еден народ па затоа мораме да бидеме сплотени кон зачувувањето на нашето богатство. Македонскиот идентитет и јазик се неприкосновена реалност на нашиот народ. Тие се наше наследство од претходните генерации и аманет за идните генерации. Посакувам да имате верба, добродушност и искреност во вашите срца затоа што тоа е основата на христијанската вера, сакајте простувајте и во бога верувајте. Прославете го Велигден со вашите најблиски во мир и благосостојба“-порача Јовчески