Божја убавина во Крушево! Mанифестацијата “Дева” и оваа година ги стопли христијанските срца во Крушево
Само во Крушево и Витлеем Христовото раѓање се најавува на овој посебен и длабоко симболичен начин. Со ѕвезда и песна, во предвечерието на Божиќ, се носи радосната вест од дом до дом – традиција што со векови живее токму тука.
Вечерва, на Градскиот плоштад во празнична атмосфера беа споделени посна трпеза и топли напитоци, а преку доброволни прилози се собираа средства за првото новородено дете.
Крушево вечерва дише со традицијата – момци со црвената ѕвезда и песна ја пренесуваат радосната вест за Христовото Рождество.
За многу години – Дева!
