За “паметните” трговци кои не ги намалија цените, казни до 20.000 евра!
Пазарните инспектори излегуваат на терен, а Владата повторно се става во заштита на граѓаните од однесувањето на трговците.
Тоа што тие мислеа дека ќе не надмудрат на овој начин и си играат со трпението на граѓаните и на Владата мислам дека не е добро и треба да си го преиспитаат однесувањето. Ова не е коректно однесување, посебно пред празници на ваков начин не треба да се прават големи профити. Затоа што граѓаните очекуваат од нивна страна разбирање и во најмала мерка да биде така како што било, а не наеднаш да се зголемуваат цените на одредени продукти. На одредени продукти за 25 проценти се зголемени цените на производите. Тоа не е етичко однесување, туку би рекол нечовечно однесување, истакна Мицкоски во изјава за медиумите.
