Во театарот „Војдан Чернодрински“ се одржа комеморација по повод смртта на актерот Трајче Иваноски, доајен од ансамблот на Театарот

Сподели го ова:




Во театарот „Војдан Чернодрински“ се одржа комеморација по повод смртта на актерот Трајче Иваноски, доајен од ансамблот на Театарот.За актерот, кој со душа и срце му беше посветен на театарот, зборуваа актерите Игор Трпчески и Александар Тодески, посочувајќи го неговиот плоден творечки опус ,со голем број сложени и стожерни ролји,реализирани во претстави од домашниот репертоар,светската драмска класика и современата драматургија.За Трајче, или Пепио, како што го викаа колегите проговорија Виолета Чакарова, Андон Јованоски Ашата, Наташа Ачански и Цветанка Чавлеска, пoтсетувајќи се на многубројните моменти поминати со него, во и надвор од театарот. Беа прочитани и текстовите со сочувство од Драмскиот театар – Скопје и театарот при НУЦК „Антон Панов“ од Струмица. На комеморацијата во театарот, освен семејството, бројните пријатели, колегите, присуствуваа и градоначалникот Борче Јовчески и претседателот на Советот Дејан Проданоски. 





Сподели го ова:

Слични објави