Tаткото кој ја уби својата 2-годишна ќерка до сега имал над 50 кривични дела
Граѓаните се шокирани!Tаткото кој ја уби својата 2-годишна ќерка до сега имал над 50 кривични дела. Како што информиравме претходно, судот од Кичево определи 30-дневен притвор за таткото Ф. Д. ( 30), кој ја претепа својата двегодишна ќерка, која по 22 дена борба за живот, почина на скопската Клиника. Против таткото е поднесена кривична пријава за убиство. Мажот е спроведен во Казнено-поправната установа „Затвор – Битола“.
„Тој, на 18.12.2023 година, околу 21 часот, во семејната куќа во Кичево, при вршење семејно насилство, со физичка сила ѝ нанел тешки телесни повреди на својата двегодишна ќерка, која била пренесена за укажување лекарска помош во Општата болница во Кичево, а потоа во Клиничкиот центар ‘Мајка Тереза’ во Скопје, каде што на 8 јануари починала“, истакнаа од СВР Охрид.
