Се прават напори за укинување на Зелениот картон
Во соопштението на Националното биро за осигурување истакнуваат дека сеуште зелениот картон е неопходен документ за влез со моторни возила во било која држава во Европа, како и во Србија, Албанија, Црна Гора, БиХ и Молдавија, при што од таму истакнуваат дека тоа е комплексно прашање и тој засега не може да биде укинат.
„Прашањето за спојување на ЗК и вклучување на премијата од ЗК во полисата за осигурување од Автомобилска Одговорност е доста комплексно и сериозно прашање кое подлежи на меѓународна и домашна регулатива. Тоа не е нешто што може да се промени преку ноќ, и затоа не треба да се шпекулира, и корисниците да се доведуваат во заблуда. Точно е дека на оваа тема се разговара во регионот, но во моментов нема консензус ниту заеднички став, бидејќи членките држави на CEFTA имаат во примена сосема различни модели на функционирање на системот на зелена карта“ – истакнуваат од НБО.
