Прилепскиот градоначалник Борче Јовчески во официјална посета на компанијата „Кромберг и Шуберт“
Прилепскиот градоначалник Борче Јовчески денеска беше во официјална посета на компанијата „Кромберг и Шуберт“ во Битола. Од страна на одличниот менаџерски тим беше запознаен со производствениот процес на компанијата, и со фактот дека во моментов оваа фабрика брои над 5000 вработени, што за нашиот пелагониски регион претставува навистина сериозна бројка.
Соработката со „Кромберг и Шуберт“ како една од најголемите општествено одговорни компании и нашата Локална самоуправа, сигурен сум дека ќе ја одржуваме и ќе ја продлабочиме во наредниов период – истакна Јовчески.
