ПРИЛЕПЧАНИ ЖЕДНИ ЗА УШТЕ ЕДНА ПОБЕДА: Еве што е следно после вчерашниот натпревар на ФК “Победа”
Вчера попладнето, како што се истакнува на официјалната Facebook страна на ФК Победа, на Градскиот стадион „Гоце Делчев“ пред повеќе од 3.000 гледачи,во натпревар од 11-тото коло на Првата лига Победа и Академија Пандев ги поделија бодовите играјќи 1:1.
Во меч со скромен квалитет и малку возбудувања по се видено се чини дека поделбата на бодовите е реален исход. Црвено-белите, осоколени по победата во Кратово очекуваа таа победа да биде ревалоризирана сои уште еден-домашен триумф, а од друга страна струмичани пак со ремито во Прилеп ја прекинаа црната серија од 4 последователни порази.
Но значењето на мечот си го направи своето, а домаќините не одговорија адекватно на притисокот и императивот да се оствари уште еден домашен успех. А.Пандев од друга страна се чини беше поопасна, Велиновски и Марковски имаа изгледни шанси, додека Победа со единствениот удар во рамката на голот на Јованоски постигна израмнувачки, евро-гол преку младиот репрезентативец Рамани во 75-тата минута, откако претходно во 59-тата минута гостите поведоа со голот на Велиновски. До крајот, и покрај израмнувањето, црвено-белите не успеаа да создадат дополнителен притисок и створат акција за резултатски пресврт. Со многу често сецкање на играта и прекини ритамот беше нарушен, нешто што повеќе им одговараше на гостите па на крајот остана конечниот резултат 1-1. Победа: Тофилоски, Бошески, Ѓурковиќ, Стомнароски, Хани (од 65 минГалевски), Рамани, Паноски, Дадет (од 60 мин Петејчук), Мазари, Тодоров, Џејмс (од 65 мин Б. Спиркоски).
Имено, она што е следно е натпреварот во среда на 19 октомври од 14 часот каде што ФК Победа, во последниот натпревар од 1/8-финалето на Купот, на Градскиот стадион „Гоце Делчев“ во Прилеп ќе ја пречека Македонија Ѓ.Петров.
