ПОВТОРНО ПРВИ ВО МАКЕДОНИЈА: ППK “Младост 96” повторно ја вратија титулата во Прилеп
Пингпонгарите на ППK “Младост 96” повторно ја вратија титулата во Прилеп. Денес во Скопје се одигра вториот натпревар од финалето во плеј офф-от против екипата на “Телеком Нец 2” и со резултат 4-3, и со вкупен резултат од 2-0 ја освоија шампионската титула.
За овој прилепски клуб, ова е втора титула Шампиони на Македонија во последните три години. Тимот, во цела сезона имаше само еден пораз, и покажа дека во моментов е најдобра екипа во државата.
“Честитки за сите во клубот. Честитки за спонзорите на клубот без кои овие успеси немаше да ги постигнеме” – истакна Златко Рикалоски член во раководството на клубот.
