ПО БАРАЊЕ НА ПУБЛИКАТА: Веселите Ѕвончиња периодов ќе настапат во повеќе градови низ Македонија

После спектакуларното фестивалско издание на Детскиот музички фестивал “Весели Ѕвончиња by JANA”, кој што четврта година по ред се одржа во Прилеп, поточно во НУЦК “Марко Цепенков” пред седум дена, организаторите на фестивалот најавија дека по барање на публиката од другите градови, овој најактуелен детски музички фестивал на новокомпонирани детски песни, во периодот кој доаѓа, ќе гостува во неколку градови низ Македонија, а во кои градови ќе настапуваат веселите ѕвончиња, организаторите тоа сега за сега, сеуште го држат како “слатка тајна”. Како што знаеме сите, овој детски музички фестивал, од страна на публиката е прогласен за МОДЕРЕН ДЕТСКИ-СВЕТСКИ БРЕНД. На годинешното најново фестивалско издание, публиката имаше можност да слушне 16 ново-компонирани детски хитови, кои освен учесници од Прилеп, песните ги испеаа и учесници од повеќе градови од нашата Македонија.

Заради големиот интерес за учество на наредното фестивалско издание на најактуелниот Детски музички фестивал “Весели Ѕвончиња by JANA” кое ќе се оджи во месец мај, наредната 2023 година, Веселото Ѕвонче Ве кани доколку имате од 4 до 15 години, преку Вашите родители да се пријавите на телефонскиот број на “БАЛАДА АРТ ПРОДУКЦИЈА”: 078/66-77-97. Бројот на места како и секоја година е ограничен, па затоа само најбрзите кои што ќе се пријаваат ќе ја имаат среќата да бидат учесници на фестивалот и да испеат новокомпонирана песна на наредното јубилејно фестивалско издание на најактуелен детски музички фестивал “Весели Ѕвончиња by JANA”.