“КРАДЕЦ НА ГОДИНАТА”? Прилепчанец украл не еден, туку дури три автомобили
Од страна на полициски службеници од СВР Битола-ОВР Прилеп – Надворешна канцеларија за криминалистички работи Прилеп, по претходно преземени оперативни мерки и активности, вчера (03.11.2023) бил лишен од слобода Е.Ќ.(28) од Прилеп.
Тој се сомничи дека на 14.07.2023 одзел патничко возило „застава 128″, на 28.10.2023 одзел патничко возило „тико” и на 03.11.2023 одзел патничко возило „опел астра”. Осомничениот во целост ги призна делата. Две од одземените возила се пронајдени и вратени на сопствениците, а се работи на пронаоѓање и на третото возило. По комплетирање на службениот материјал против осомничениот ќе следи кривична пријава по член 242, “одземање на патничко моторно возило”- информира МВР.
