КОГА НЕ МОЖЕШЕ ДА СЕ СПАСИ ЕДЕН ЖИВОТ, БАРЕМ ДА СЕ СПАСИ ДРУГ: Семејството на веќе починатиот Кико донираше 500.000 денари за малиот Стефан
Како што објавивме претходно, деновиве на социјалните мрежи се ширеше апел за помош на малиот Стефан, чиј што живот не може да продолжи без адекватен респиратор, па за тоа потребни се 585.200 денари. Денес, Стефан Лазаров објави дека семејството на веќе починатиот Кико извршило донација во севкупна вредност од 500.000 денари како помош на Стефан.
„Како што најавив пред 2 дена, ова утро од семејство Коцеви е извршена донација во вредност од 500,000 денари..
Ова е од Кико за Стефан. Голем респект од мене за Горан, Катерина и Никица, семејство со вистински вредности, чесно и хумано. Заслужувате многу… а на малиот Стефан му посакувам брзо да се опорави..“ објави Лазаров.
