Флорида со закон ги забрани социјалните мрежи за лица под 16 години
Парламентот на Флорида, усвои нацрт- закон со кој што се забрануваат социјалните мрежи за децата кои се под 16 години. Станува збор за потег за кој што поддржувачите велат дека ќе ги заштити малолетниците од онлајн ризиците за нивното ментално здравје.
Мерката, сега треба да ја потпише републиканскиот гувернер Рон ДеСантис. Претставничкиот дом го усвои законот со вкупно 108 гласа „за“ и седум „против“ – неколку часа откако Сенатот го даде конечното одобрување.