Денеска ќе биде весело и забавно на прилепскиот плоштад! Започнува детскиот маскенбал
Денеска, сабота, во 12:00 часот започнува Детскиот карневал, кој ќе се одржи на градскиот плоштад во Прилеп. На овој детски карневал ќе настапат голем број на учесници, кои преку своите маски ќе ја збогатат карневалската магија во Прилеп.
Веќе утре, 22-ри – Прочка, во 13:00 часот, целиот град ќе биде под маски со што ќе започне централната карневалска прослава во центарот на Прилеп
Оваа година на карневалот „Прочка 2026“, пријавени се над 500 групни и поединечни маски, а карневалот има и меѓународен карактер, ќе учествуваат карневалски групи од земјава и од странство, а програмата ќе ја збогатат жонглери, кловнови, акробати и куклари.
