Денес, 8-ми април е Меѓународниот ден на Ромите
Денес, 8-ми април 2023 година е Меѓународниот ден на Ромите, при што денес е неработен ден за граѓаните кои се припадници на ромската заедница во нашата земја.
Овој значаен празник е уште еден показател дека толеранцијата и почитувањето на различностите се основа за градење на соживот и заеднички напредок. Со својата традиција и уникатните културни специфики, Ромите се важен дел од мултиетничкиот мозаик на нашата татковина и даваат несебичен придонес во сите сфери на општественото живеење. Потребно е и во иднина посветно да продолжиме да градиме силни пријателства и да се избориме за еднакви прави и интеграција за сите заедници.
