Рестораните и кафаните “ќе тријат раце”! Дамите веќе започнаа да се спремаат за 8-ми март – меѓународниот ден на жената
Утре е 8-ми март, денот кога се одбележува борбата на жените за економска, политичка и социјална рамноправност со мажите, а најголем финаниски бенефит од овој празник ќе имаат цвеќарниците, рестораните и кафаните кои “на големо ќе тријат раце”!
Осми март за Меѓународен ден на жената е прогласен од страна на Обединетите нации со цел да се одбележи улогата на обичната жена во историјата, како и нејзината борба за еднаквост, правда, мир и развој.
Во правата на жените влегува и женското здравје на кое што треба многу да се работи. Тоа претставува состојба на емоционална, социјална, културна, душевна и физичка благосостојба на жените која истовремено е детерминирана од нивниот општествен и економски статус,како и од нивните биолошки карактеристики.
Жените имаат право да ги уживаат највисоките достапни стандарди на физичко и на ментално здравје. Уживањето на ова право е витално за нивниот живот и добросостојба, како и за нивната можност да учествуваат во сите полиња на јавниот и на приватниот живот.
Сите заедно треба да работиме на подигање на свеста за подобрување на правата на жените, нивно изедначување со мажите и еднаков пристап во сите сфери на општественото живеење.
