ПРОДАНОСКИ: Ваквиот тип на забавни и едукативни активности треба да ни бидат пример преку кој ќе ги учиме младите на вистинските вредности
Денес токму во нашиот град, се одржува централниот настан по повод одбележувањето на светскиот Ден на извидниците. Имено, оваа 2023 година се одбележуваат цели 8 години од формирањето на извидничкиот одред Феникс!
“Денес во нашиот град, централната прослава по повод Денот на извидниците, оваа година се одржува во Прилеп. Токму извидничкиот одред Феникс, кој доаѓа од нашиот град, е домаќин на еден ваков настан и една долга традиција, преку која младите, почитувајќи ги Извидничкиот завет и законите, се стекнуваат со здрави навики кои со сигурност придонесуваат кон подобар личен развој. Ваквиот тип на забавни и едукативни активности во кои учество зедоа над 400 извидници од сите извиднички одреди низ Македонија, треба да ни бидат пример преку кој ќе ги учиме младите на вистинските вредности” – истакна денеска Претседателот на Совет Дејан Проданоски.
