Црвениот крст одбележува цели 78 години од неговото основање
Црвениот крст одбележува 78 години од неговото основање и 28 години од неговото полноправно членство во Меѓународната федерација на друштвата на Црвен крст и Црвена полумесечина.
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле, и тоа без било каква пристрасност, како и да го спречи и олесни човековото страдање секогаш кога е тоа можно.
Целта на движењето е да го заштити животот и здравјето и да го почитува човекот. Промовира заедничко разбирање, пријателство, соработка и траен мир меѓу сите луѓе.
Во текот на годинава како што информираат од Црвениот крст, во нашава земја ќе се одржат бројни настани со кои ќе ја одбележат нивната годишнина.
