За почисто и поубаво Крушево! Градоначалникот Чонески заедно со директорот Јанески решаваат еден од најголемите проблеми со кои се соочуваше Крушево
Денеска крушевскиот градоначалник Нико Чонески заедно со директорот на ЈП Комуна, Благојче Јанески, извршија увид по повод отпочнувањето на активностите за санирање на дивата депонија во Крушево. Ова е важен чекор кон решавање на еден сериозен и долгогодишен проблем што директно влијаеше врз квалитетот на живот во крушевската заедница.
“Со започнувањето на овие активности испраќаме јасна порака дека грижата за животната средина не е само декларативна заложба, туку конкретна акција. Санирањето на депонијата ќе овозможи побезбедно и контролирано одлагање на отпадот, ќе го минимизира ризикот од неконтролирано палење и ќе придонесе за намалување на загадувањето на воздухот и почвата. На овој начин директно го штитиме здравјето на нашите граѓани и создаваме почиста околина за идните генерации. Како градоначалник на Крушево, останувам цврсто посветен на системско решавање на комуналните предизвици и на унапредување на јавната хигиена во општината” – порача Чонески.
