Во контејнер со пилешко месо нарачано од македонска компанија, имало скриено 45,5 кг. кокаин
Синоќа, албанската полиција во Драч, запленила вкупно 45,5 килограми кокаин, а крајната дестинација била Македонија. Пакетчињата со кокаинот биле завиткани (покриени) со фотографии од анимираниот детски цртан филм „Драгон бол”.
–Дрогата пакувана во 40 пакетчиња, беше откриена при детална контрола во контејнер, натоварен во Бразил со пилешко месо, на сметка на трговски субјект од Северна Македонија-се наведува во соопштението на албанската полиција.
Веќе од страна на тамошните надлежни институции е започната постапка за идентификација и откривање на лицата кои се вмешани во ова кривично дело.
