Во Битола изгореа три автомобили – еден од нив е на битолски бизнисмен!
Синоќа, дваесет минути по полноќ во Битола изгореа три автомобили. Имено, автомобилите биле паркирани пред колективна зграда на улицата „Леринска“. Според сеуште непотврдени информации, опожарениот автомобил бил сопственост на семејството од битолски бизнисмен.
Огнот, најпрво избувнал во автомобил од марката „Тојота“, а ветрот кој што дуваше синоќа пламените јазици ги разнесол кон останатите два автомобила, кои што биле оставени на паркингот. Станува збор за автомобили од марката „Пасат“ и Дачија“.
Веднаш по повикот интервенирале надлежните служби, а нивната интервенција синоќа траела се до 1 и 20 часот.
