ВМРО – ДПМНЕ: Полицијата на Спасовски не ги гони нарко-картелите, затоа се случуваат убиства во реалноста дури тој прави статистички гимнастики
Власта на СДС и ДУИ дозволи нарко мафијата да владее по улиците. Структури во полицијата на Спасовски стана нивен заштитник. Акциите беа пробивани, а лицата кои евентуално беа откривани беа експресно ослободувани – истакнуваа од ВМРО-ДПМНЕ во нивното соопштение до граѓаните, кое целосно Ви го пренесуваме во прилог на оваа објава:
“Последица на ваквиот раст на криминалот се убиствата како ова кое се случи завчера. Ваквите гангстерски пресметки на кланови станаа секојдневие.
Безбедноста на граѓаните е доведена во прашање. Во држава во која мафијата е во коалиција со власта животот на секој човек е загрозен.
Што уште треба да се случи Оливер Спасовски да си поднесе оставка? Неговите статистички гимнастики веќе не му поминуваат ниту во штабовите на СДС.
Едноставно е, ако полицијата не гони криминалци, на хартија криминалитетот ќе опаѓа, а во реалноста бандите ќе владеат со државата.
Беззаконието од времето на транзицијата се врати на голема врата. Прашањето е каква политичка или лична корист имаат функционерите од власта кои тоа го дозволуваат” – истакнуваат од ВМРО-ДПМНЕ во нивното соопштение до граѓаните.
