ВИДЕО – ПРОДАНОСКИ: Ве поканувам да дојдете на трибината на плоштадот Методија Андонов Ченто утре од 17:30 часот, и да ги слушнете решенијата што ги нуди нашата партија

Сподели го ова:



















Република Македонија никогаш не била во полоша состојба, на секое поле, а Владата предводена од СДСМ и ДУИ, освен хаос и безредие, не донесе ништо позитивно за граѓаните – истакна претседателот на ОК на ВМРО ДПМНЕ – Прилеп Дејан Проданоски, на денешната прес конференција.





Имено, оваа прес конференција всушност е и повик до сите оние членови и симпатизери на ВМРО-ДПМНЕ од Прилеп, како и до сите оние граѓани кои што се незадоволни од политиките на СДСМ и ДУИ, да присуствуваат на трибината на плоштадот Методија Андонов Ченто – утре (вторник 06.06.2023 година) од 17:30 часот, и да ги слушнат решенијата кои што ги нуди ВМРО-ДПМНЕ.

“Мерките што ги донесе најнеспособната влада, се или задоцнети, или целосно промашени. Земјоделците и тутунарите го почувствуваа директно сето тоа на своја кожа! Владата требаше, ама не успеа или не сакаше навреме да ги замрзне цените на нафтените деривати, на електричната енрегија, на ѓубривата, на препратите, со што ќе го олеснеше процесот на производство. Но наместо тоа, ги остави земјоделците и тутунарите на милост и немилост, додека во Македонија неконтролирано се продава увезен зеленчук штетен по човечкото здравје!

Граѓаните изминативе години освен корупција, криминал, шверц на дроги од функционери на СДСМ, јавни рекети, ништо друго не видоа. Наместо живот на државата и донесоа пропаст. И што е најважно, не се тие повеќе власт, туку се извршители на криминалот во Владата.

Затоа работите мора да се менуваат!

ВМРО-ДПМНЕ, во вторник, на 6-ти јуни, со почеток во 17 и 30 часот, како дел од акцијата „Ова е Македонија за сите“ организира трибина на тема земјоделие на Градскиот плоштад Методија Андонов-Ченто.

Почитувани ќе имате чест да го чуете Претседателот на ВМРО-ДПМНЕ Христијан Мицкоски, како и експерти кои знаат и умеат да се носат со предизвиците на новото време.

Почитувани членови на ВМРО-ДПМНЕ, почитувани прилепчани, сите што сте незадоволни од политиките на СДСМ и ДУИ, Ве поканувам да дојдете на трибината на плоштадот Методија Андонов Ченто утре од 17:30 часот и да ги слушнете решенијата што ги нуди нашата партија и кои ќе бидат реализирани по смената на централната власт и победата на парламентарните избори на ВМРО-ДПМНЕ” – истакна претседателот на ОК на ВМРО ДПМНЕ – Прилеп Дејан Проданоски, на денешната прес конференција.



Сподели го ова:

Слични објави