ВЕДНАШ ПОСЛЕ УЧИЛИШТЕТО – ДИРЕКТНО НА РАБОТА: Ученици од прилепското индустриско училиште благодарение на дуалното образование и нивните резултати си се вработија во WIK
Првата генерација на ученици од Техничар за производно машинство (дуално образование по германски модел) кои завршија во СОУ “Ристе Ристески-Ричко” и покажаа посебен успех овие четири години од денес се вработени во W I K која е една од општествено одговорните компании во Република Македонија.
Тие 4 години добиваа искуство преку изведување на практичната настава во оваа компанија и од денес се нејзини вработени.Соработката со оваа компанија продолжува и оваа година, а се надеваме дека истата во иднина и ќе се прошири.Успешни млади значи и успешни компании и успешни училишта. Со среќа на нашите ученици на нивните работни места – истакнуваат од СОУ “Ристе Ристески-Ричко” Прилеп во нивното соопштение.
