Вчера во Прилеп градоначалниците Проданоски и Чонески учествуваа на тркалезна маса организирана во рамки на проектот „Младите се гласот на промените во општините“
Вчера во Прилеп, прилепскиот градоначалник Дејан Проданоски, градоначалникот на Крушево, Нико Чонески, претседателката на Советот на Општина Прилеп, советници од Прилеп и Крушево, како и административни службеници и млади, учествуваваа на тркалезна маса организирана во рамки на проектот „Младите се гласот на промените во општините“.
Настанот имаше за цел да поттикне поголемо и поактивно вклучување на младите во локалните процеси, како и зајакнување на младинскиот активизам.
Во рамки на настанот, младите ги презентираа документите со препораки, кои произлегуваат од претходно собрани мислења, предлози и решенија од младите од Прилеп и Крушево, со цел унапредување на нивното учество во локалната заедница.
Тркалезната маса претставуваше значајна можност за отворен дијалог, размена на идеи и заедничко разгледување на конкретни чекори за развој на општеството преку активно младинско учество.
Настанот беше организиран од граѓанските организации Младински Совет Прилеп и Empowering Крушево.
