Средба на градоначалникот Јовчески со унгарскиот амбасадор Ласло Дукс

Сподели го ова:




Градоначалникот на Општина Прилеп, Борче Јовчески , денеска во својата канцеларија оствари работна средба со унгарскиот амбасадор, Ласло Дукс. Тие разговараа за продлабочување на соработката меѓу Општина Прилеп и Унгарија, како земја пријател на нашата држава и  размена на искуства во областа на културата и  економијата. Освен градоначалникот Јовчески и амбасадорот Дукс на средбата присуствуваа и претседателот на Советот на Општина Прилеп Дејан Проданоски и претседателот на Здружението на Унгарците во Македонија, “Теледом”, Јожеф Шутуш.

“Попладнево, остваривме средба со Амбасадорот на Република Унгарија во Македонија, Г-дин  Ласло Дукс, каде што разговаравме за продлабочување и подобрување на соработката на Општина Прилеп со Амбасадата на Република Унгарија. Унгарија како земја членка на ЕУ е наш иден партнер каде што взаемните соработки ќе ги остваруваме постојано. Во наредните четири години како градоначалник на Општина Прилеп ќе овозможам комплетна соработка понудувајќи  му ги сите благодети каде што културниот и економскиот просперитет ќе најдат свое место.“, рече градоначалникот Јовчески.





Сподели го ова:

Слични објави