ГИ БАРАМ МОИТЕ РОДИТЕЛИ: На 25 години дознав дека сум посвоена во Прилеп – ве молам помогнете ми!
50 годишна жена која што моментално живее во Рума (Србија) преку социјалните мрежи ги бара своите родители. Како што истакнува самата таа во нејзината објава, на 25 години дознала дека е посвоена во Прилеп, па сега сака да дознае за своето потекло. Во прилог, во целост ја објавуваме нејзината објава на социјалната мрежа Фејсбук”
“Ги барам моите родители! Родена сум на 17 декември 1973 година. На 25 години дознав дека сум посвоен во Прилеп. Шок и траума. Која сум јас и чија сум јас? Дали сум оставена или украдена? Во семејството МОЛК. Го истражував моето потекло преку документите што ги собрав. Се е направено на таков начин да никогаш не дознаам чија сум.
Јас не се откажав. Направив ДНК анализа во MyHeritage и добив братучетка од тетка ми по татко. На сликата доле десно е Нада Хасан. Се допишувавме и дознав дека нејзиниот вујко студирал во Скопје. Таа ми испрати слика од татко ѝ (горе десно со братучетката Агмар) и ми кажа дека се вика Суад Мохамед Манаа и живее во Дубаи.
Таа го одби моето големо барање да ми каже што студирал за да барам информации за тој факултет во Скопје или да ми ја каже неговата адреса. Чекав три месеци и еве сега објавувам и ве молам да го погледнете овој човек, можеби некој ќе го препознае ако студирал со него. Посебно луѓето што живеат во Дубаи и оние што студирале во Скопје. Ако бил овде во Македонија како студент во 1973 година, тогаш бил околу 1950 година.
Многу ми е важно, затоа ве молам споделете ја оваа објава. Интернетот е чудо, некој ќе го препознае и можеби ја знае девојката со која се забавувал. Мислам дека не знаат дека постојам” -се истакнува во објавата.
