Прилепските црковни храмови овој петок со Акатисти посветени кон Пресвета Богородица
Во првиот петок од Великиот Воскресенски пост со почеток од 16 часот, во храмот св. Кирил и Методиј – Параклис, ќе се служи Големо повечерие на кое ќе се чита акатист посветен кон Пресвета Богородица и ќе се осветува петтолебие за здравје и спасение на верниот народ. Потоа ќе се одржи и предавање во овогодишниот циклус од предавања на тема НЕЕДНАКВОСТА И ЕДНАКВОСТА ПРЕД БОГА на кое ќе предава протоереј Живко Десподовски, во просториите на административната зграда. Воедно упатуваме и ПОКАНА до верниот народ, свештеното братство за присуството на предавањето. Храбра наша Војвотко победоносна, ние, слугите Твои од зло избавени, песни пофални Ти воспеваме, Богородице. Но Ти, Која крепост имаш непобедлива, од секоја беда ослободи не, да повикуваме: Радувај се, Невесто Неневестна!– известуваат од храмот св. Кирил и Методиј – Параклис.
АКАТИСТИТЕ КОН ПРЕСВЕТАТА МАЈКА НАША БОГОРОДИЦА, ВО НАШИОТ ХРАМ, ПОСВЕТЕН НА СВЕТОТО БЛАГОВЕШТЕНИЕ НА МАЈКАТА БОЖЈА, ЌЕ БИДАТ СЕКОЈ ПЕТОК ВО 16.30 ЧАСОТ, ВО ПРВИТЕ 5 СЕДМИЦИ ОД ВЕЛИКИОТ ВЕЛИГДЕНСКИ ПОСТ.
НЕКА ПРЕСВЕТАТА БОГОРОДИЦА, ГИ ПРИМИ И ЗАСТАПУВА НАШИТЕ МОЛБИ И НАШИТЕ ПРИНОСИ (ПЕТТОЛЕБИЈА) КОН НЕЈЗИНИОТ СИН И СПАСИТЕЛ НАШ ГОСПОД ИСУС ХРИСТОС, КОГО ГО МОЛИМЕ ЗА ЗАШТИТА И СПОКОЈ ВО НАШИТЕ СЕМЕЈСТВА И НАШИОТ НАРОД – се вели во објавата од храмот св.Благовештение-Прилеп.
