ПОЖАР ВО ПРИЛЕП: Се запали стан и вертикала од зграда!
Во текот на вчерашниот ден (25.01.2023 година) во ОВР Прилеп добиена е пријава дека утрото околу 09-30 часот, настанал пожар во оџакот од една вертикала во зграда која се наоѓа на улица “Кеј 9-ти Септември”.
Од пожарот оштетен е еден стан, a благодарение на брзата интервенција на ТППЕ-Прилеп, пожарот бил веднаш изгаснат при што е спречено да настане поголема материјална штета и проширување на истиот во околните станови во зградата.
За среќа, повредени нема, а веднаш потоа од страна на надлежните институции извршен е детален увид.
