|

Одличен јубилеен, новогодишен концерт на Музичкото училиште ,,Ордан Михајлоски-Оцка” од Прилеп

Сподели го ова:























Цели 80 години од создавањето на песната со која се идентификува нашиот македонски народ, ,,А бре Македонче”! Вечерва јубилеен, новогодишен концерт во НУЦК Марко Цепенков во Прилеп одржа Музичкото училиште ,,Ордан Михајлоски-Оцка”.

“Искрени честитки за сите ваши успеси, за сите награди и признанија кои што континуирано се нижат во музичкото училиште Ордан Михајлоски-Оцка и затоа со право велиме дека ова училиште е еден расадник на таленти во нашиот град. За тоа се разбира, заслужни се раководниот тим на училиштето и професорите, кои што секогаш ја имале мојата поддршка и поддршката на Локалната самоуправа, затоа што само така заедно можиме да продолжиме да ги подобруваме условите за изведување на теоретска и практична настава во училиштето и со самото тоа да им овозможиме на талентираните ученици да уживаат низ учење во музиката. Оваа година одбележуваме 80 години од загинувањето на патронот на вашето училиште. Ордан Михајлоски-Оцка, учесник во Народно ослободителната војна, музичар и образуван виолинист. Како член на Првиот прилепски партизански одред „Гоце Делчев“ во времето на неговото формирање на 23 октомври 1941 година, учествувал во создавањето на песната и составувањето на музиката за химната на партизанското движење во Македонија ,,А бре, Македонче”. Верувам дека сите ние како прилепчани сме горди но исто така и емотивно поврзани со борбената химна на македонските партизани „А бре Македонче“ која што е создадена од наши сограѓани Крсте Црвенковски, Коле Чашуле и Ордан Михајлоски – Оцка. Ордан Михајлоски Оцка, ја создал музиката за „А бре, Македонче“ од која и ден денес нè „лазат морници“ кога ќе ја слушнеме, а богами и од стиховите , затоа што таа е создадена да биде морална поддршка во борбата за јуриш и за славење на победата, восклик за слободата на човекот, за националното ослободување, за непоколебливоста… Со нејзината поента: „ Нека разберат клетите фашисти, македонско име нема да загине!” денес е исто толку актуелна и инспиративна како и кога е напишана. Историјата претставува идентитет на секоја држава, мораме да знаеме кои сме и да се почитуваме најпрвин себеси и сопствените корени, за да можеме да изградиме просперитетна иднина за нас и нашите најмили. Честитки и за прекрасната програма вечерва во која сите уживавме и ви посакувам уште многу успеси на сите професори и ученици од Музичкото училиште, а јас ветувам дека поддршката од мене како градоначалник заедно со претседателот на Советот и советниците никогаш нема да изостане” -истакна прилепскиот градоначалник Борче Јовчески.



Сподели го ова:

Слични објави