|

Во Прилеп, новогодишната забава ќе започне со најпопуларните – детскиот фестивал „Весели ѕвончиња by Jana“

Сподели го ова:



















Забавата започнува со детска дневна програма на 31 декември во 11:00 часот, со театарската претстава за деца „Дружината на Снешко Белчо“ , а потоа сите ќе играат и пеат со песните од детскиот фестивал „Весели ѕвончиња by Jana“.





Колку за потсетување, прилепскиот детски музички фестивал “Весели Ѕвончиња by JANA”, односно фестивалот каде што настапуваат деца од повеќе градови од нашата земја, во неделата во Битола, направи вистински детски музички спектакл. Откако беше најавено дека во Битола ќе настапуваат Веселите Ѕвончиња како дел од новогодишната програма на Општина Битола, на социјалните мрежи можеше да се забележи голема заинтересираност за овој настан во Битола.

Сето ова го потврдуваат сликите во прилог кои говорат дека огромен број на посетители вчера во Битола уживаа во хитовите на најактуелниот детски музички фестивал “Весели Ѕвончиња by JANA”. Фестивалот како и секогаш, го водеше маскотата на Веселото ѕвонче – еден од најомилените детски ликови. Имено прилепскиот детски музички фестивал оваа година по втор настапува во Битола. Освен во Битола, популарните Весели Ѕвончиња оваа година гостуваа во Крушево и во Охрид на градскиот плоштад.

Заради големиот интерес за учество на наредното фестивалско издание на најактуелниот Детски музички фестивал “Весели Ѕвончиња by JANA” кое ќе се оджи во месец мај, наредната 2023 година во Прилеп, Веселото Ѕвонче Ве кани доколку имате од 4 до 15 години, преку Вашите родители да се пријавите на телефонскиот број на “БАЛАДА АРТ ПРОДУКЦИЈА”: 078/66-77-97. Бројот на места како и секоја година е ограничен, па затоа само најбрзите кои што ќе се пријаваат ќе ја имаат среќата да бидат учесници на фестивалот и да испеат новокомпонирана песна на наредното јубилејно фестивалско издание на најактуелен детски музички фестивал “Весели Ѕвончиња by JANA”. 

Вечерната, новогодишна програма ќе започне во 21:30 часот со настапот на прилепскиот DJ, Dejan Pete, во 22:30 на бината ќе се појават членовите на групата „Балканика“, а 23:30 е настапот на прилепскиот рок бенд „The Hounds“.

Новата година ќе биде дочекана со огномет, а свое обраќање точно на полноќ, ќе има градоначалникот на општина Прилеп, Борче Јовчески, кој ќе упати честитки до своите сограѓани по повод новогодишните празници.



Сподели го ова:

Слични објави