Не излегувајте надвор ако немате потреба! Високи температури до 40 степени од денеска, па се до недела
Како што соопштуваат од УХМР, од денеска па се до недела, дневните температури ќе бидат над 30, а наместа ќе достигнуваат 40 степени. Деновиве, земјава ќе биде под влијание на стабилна и многу топла воздушна маса од југ, која ќе предизвика сончево и натпросечно топло време.
Според прогнозираните и пресметаните гранични вредности на екстремни температури од УХМР, на територијата на нашата земја утре ќе биде активно жолто, а во Скопската и Полошката котлина портокалово ниво за опасност од високи температури. Поради натамошен пораст на температурите од четврток насекаде ќе биде активно портокалово ниво.