НАШАТА БИБЛИСКА ЗЕМЈА! Цел еден век од изградбата на црквата св.Петка во населбата Црниче
Во преполниот храм на црквата св.Петка во населбата Црниче, вчера верниците присуствуваа на светата литургија со која чиноначалствуваше Архиепископот охридски и македонски г.г. Стефан и македонското свештенство. Овој храм, кој се наоѓа во подножјето на планинита Водно, во населбата Црниче во Скопје, во 1904 е поставен камен темелник за изградба, посветен на преподобна Параскева-Петка.
За 20 години бил изграден прекрасен Божји дом. Постои камен плоча на која може да се прочита дека храмот бил довршен и осветен на 3 септември 1923 година. Живописот и иконописот му биле доверени на последниот и најдобар зограф на тоа време Димитар Андонов Папрадишки. Во 1924 година, комплетно го завршил зографирањето и иконографијата на храмот.
Црквата е молитвен дом на многу православни христијани кои преку верата во Бога и молитвите на Света Петка добиваат исцеление на многу душевни и телесни болести.
Денес, 100 години подоцна, сведочиме на еден прекрасен јубилеј.
Нека е за многу години и нека таму, во Божјите храмови се шири љубов и сплотува нашиот народ!
