Крушево ги отвори вратите за висока делегација од областа на културата
Во духот на крушевското гостопримство, денес крушевскиот градоначалник Нико Чонески, ги “отвори вратите” на Крушево за висока делегација од областа на културата, предводена од Министерот за култура и туризам на Република Македонија, господин Зоран Љутков, заедно и државниот секретар во министерството, г-ѓа Марија Станчевска-Ѓоргова.
“Особено задоволство ми претставува што во Крушево ги пречекуваме и гостите од Република Србија, предводени од Министерот за култура, господин Никола Селаковиќ, чија посета е силна потврда за значењето на културната соработка и меѓусебното почитување меѓу нашите земји.
Крушево, како град со богато историско и културно наследство, отсекогаш бил и останува место на дијалог, уметност и духовна размена.
Ваквите средби се потсетник дека културата ги надминува границите и времињата, поврзувајќи нè преку заеднички вредности и визии за иднината” – истакна Чонески.
