КОНЕЧНО УНИВЕРЗАЛНАТА САЛА ВО ПРИЛЕП СЕ ПУШТА ВО УПОТРЕБА, МЕЃУТОА СО НОВА НАМЕНА? Се претвора ли салата во атрактивен зелен парк??

Сподели го ова:























Универзалната сала во Прилеп, не смее да остани заклучена и празна. Ваквиот проблем треба што поскоро да се реши. Тоа е желбата на голем број прилепчани. Меѓутоа, од она што го забележа информативниот тим на СТАНИЦА.МК, најверојатно универзалната сала во Прилеп ќе добие нова намена и ќе се претвори во т.н. атрактивен зелен парк. Зошто атрактивен?? Бидејќи на покривот расте голема трева, која што целосно го нагрдува ликот на универзалната сала – местото каде што до пред да се затвори, голем број на наши сограѓани го остваруваа својот спортски сон.

Колку за потсетување, оваа година се покрена и една иницијатива за повторно пуштање на универзалната сала во Прилеп, меѓутоа од надлежните институции засега нема резултат.

Спортските работници од нашиот град, клубовите, поранешни и сегашни спортисти, здруженијата како и Сојузот на училишни спортови, во февруари оваа година остварија и еден состанок со прилепскиот градоначалник кој што ја поддржа петицијата, со која до ЈП АД за изградба и стопанисување со станбен и деловен простор и преку медијаторство на Агенцијата за млади и спорт, се бараше да се реши техничкиот проблем, и на било каков начин да се стави во функција Универзалната сала во Прилеп.

На ред се надлежните државни институции конечно да го решат овој спортски проблем со кој се соочуваат прилепчани.



Сподели го ова:

Слични објави