КОНЕЧНО МУ ТЕКНА! Од денеска, бесплатен хеликоптерски транспорт за најитните медицински случаеви
Од денеска, бесплатен хеликоптерски транспорт за најитните медицински случаеви. Денеска беше изведен пробен лет од Градската општина болница „8 Септември“ – Скопје до Клиничката болница Битола.
„Со оваа соработка, помеѓу двете Министерства за здравство и внатрешни работи овозможуваме заедничко дејствување на припадниците на хеликоптерската единица при МВР и здравствените установи, односно употреба на хеликоптер за транспорт на пациенти. Хеликоптерот има медицинска опрема за воздушен транспорт, а ГОБ 8 Септември ќе овозможува искусен стручен тим за придружба на пациентот. На овој начин овозможуваме подобра заштита како и побрз транспорт на пациентите до здравствените установи. Драго ми е за соработката, која уште повеќе ќе унапредува и ќе се обидеме понатаму да ја развиваме, а граѓаните на Северна Македонија треба да знаат дека секогаш сме овде за нивните потреби“ – истакна Меџити.
