КАДЕ ЌЕ ИМ ОДИ ДУШАТА: За да некој печали, на болните од рак наместо лекови им се давал физиолошки раствор?!
Ирена Мулачка веќе подолг временски период, пишува за криминалот со терапијата за болните со рак. Во својата вчерашна објава на социјалните мрежи таа истакна:
“Во случајот Онкологија не станува збор само за финансиски криминал, за кој сме пишувале и пред 20 години. Туку пострашното е дека од воведувањето на скапата биолошка терапија од 2019 година, каде што една ампула за било кој вид на карцином чини од 2.000 до 4.000 евра, дел од пациентите примале и обичен физиолошки раствор, за што веќе објавивме во последниот број на неделникот „Фокус“, за да можат овие скапи лекови да се продаваат на црниот пазар во Косово. Најстрашното е со што биле лекувани најтешко болните пациенти и дали воопшто ја примиле неопходната терапија, која барем на некој начин ќе им помогне и е последна надеж за спас од подмолната болест…Факт е дека позадината се парите, но пациенти умирале за некој да запечали, затоа што наместо скапиот лек да биде даден на нив бил продаван, а тие примале сосема други терапии, меѓу кои и обичен физиолошки раствор. Е, тоа е најморбидното и болното. Станува збор за онколошко злосторничко здружение…” – истакна новинарката Ирена Мулачка во нејзината објава на социјалните мрежи.