Јовчески: На сите мои сограѓани од исламска вероисповед им го честитам почетокот на месецот на хуманоста и простувањето
Верниците кои што се дел од исламска вероисповед, уште од рано изутринава го започнаа рамазанскиот пост. Имено, овој пост трае цели 30 дена и завршува на 1 мај, а за време на постот верниците од изгрејсонце, па се до зајдисонце, целосно се воздржуваат од јадење и пиење. По повод почетокот на Рамазанскиот пост, се обрати и прилепскиот Градоначалник Јовчески до верниците од исламска вероисповед, при што истакна:
“На сите мои сограѓани од исламска вероисповед им го честитам почетокот на месецот на хуманоста и простувањето и на сите ви посакувам да имате лесни пости, добро здравје, мир и благосостојба во вашите семејства. Нека е за многу години Светиот месец Рамазан”-им посака Јовчески на верниците од исламска вероисповед.
