Е вака се работи! Градоначалникот на Општина Росоман, Ѓорѓи Крстевски, 24/7 во интерес на граѓаните
Продолжува реализацијата на големиот инфраструктурен проект во Росоман. Денеска се работеше на асфалтирање и на улицата „Страшо Пинџур“
Паралелно со улицата „Гоце Делчев“, денес се асфалтира и улицата „Страшо Пинџур“, која е финансирана од Владата на Република Македонија преку Министерството за животна средина, а кофинансирана од страна на Општина Росоман.
Овој проект го опфаќа одводнувањето на бавчите, со што се решава долгогодишен проблем со атмосферските води, како и комплетно асфалтирање на двете улици. Во тек е и постапка за јавна набавка за целосно комплетирање на проектот, кој ќе се реализира во 2026 и 2027 година, а ќе опфати:
-изградба на атмосферска и фекална канализација,
-целосно уредување на улиците,
-поставување на ново улично осветлување.
Со оваа инвестиција градоначалникот обезбедува трајни и квалитетни решенија за жителите на овој дел од Росоман.
Исто така денеска во Општина Росоман беше отстрането и лошото изготвено решение на влезот во општината.
Ова е чекор кон подобра и побезбедна инфраструктура за сите граѓани.
