ДАЛИ ЖИВЕЕМЕ ВО СРЕЌНО ОПШТЕСТВО? Денеска е меѓународниот ден на среќата
Денеска (20 март) е меѓународниот ден на среќата кој што е воспоставен од страна на Обединетите нации во 2013. Денеска, се слават сите оние работи кои што ги прават луѓето среќни.
На овој ден, Организацијата ги повикува владите ширум целиот свет да се погрижат луѓето да можат да се чувствуваат безбедно, среќно и сигурно.
Во еден од извештаите на ОН за среќа, населението е покането да ја сподели среќата со семејството и пријателите, да изрази благодарност, да ги направи другите среќни и исполнети во животот, а сето ова е со една и единствена цел – тоа да стане секојдневна навика за сите.
