Чонески: Повелете во Крушево – ова лето, уште една приказна започнува со „Крушево Будно“
Убавото историско Крушево од 11 до 18 јули, ќе биде исполнето со вистински културни содржини. Имено, токму овој период ќе се одржи најновото издание од „Крушево Будно“.
“Крушево отсекогаш било место каде што се создаваат убави приказни. Ова лето, уште една таква приказна започнува со „Крушево Будно“. Од 11 до 18 јули нашиот град ќе биде исполнет со музика, театар, филм, креативност и младинска енергија. Најголемата вредност на овој фестивал не е само богатата програма, туку луѓето што ќе се соберат, ќе се дружат, ќе разменуваат идеи и ќе создаваат нови спомени.
Ве поканувам да бидете дел од овие осум дена и заедно да ја почувствуваме атмосферата што го прави Крушево посебно!” – истакна крушевскиот градоначалник Нико Чонески.
