Ахмети: Не прифаќаме Македонците да бидат аги, а ние слуги
Лидерот на Демократската унија за интеграција (ДУИ), Али Ахмети, на вечерашниот традиционален новогодишен прием истакна дека тие не прифаќа како што кажа самиот тој “Македонците да бидат аги, а ние (албанците) слуги”.
“Сме биле покрај Македонците во најразлични ситуации и ќе останеме, но не прифаќаме тие да бидат аги, а ние да бидеме слуги. Додека немаме вистински ветинг, додека имаме селективно судство што не врши функција според законите, туку нештата ги гледа од која етничка припадност доаѓаш, упатувам порака без оглед на политичката чистка и бурите што ги прават, дека ДУИ е ураган” -истакна Али Ахмети, на вечерашниот традиционален новогодишен прием.
