ЖАЛОСНО: Вандализирана и оштетена е фонтаната кај “Итар Пејо” – прилепски Водовод на два пати интервенира за нејзино враќање во функција

Сподели го ова:



















Вандализирана и оштетена е фонтаната кај “Итар Пејо”, а прилепски Водовод на два пати интервенира за нејзино враќање во функција. Врз основа на ова, се поставува прашањето дали имаат “К” од култура дел од нашите прилепски сограѓани? По повод ваквиот немил настан, ЈКП Водовод и каналзиација – Прилеп излезе со соопштение- апел до граѓаните, кој што целосно Ви го пренесуваме во прилог на оваа наша објава:





Почитувани сограѓани,

Упатуваме апел до сите со цел да предизвикаме одговорно живеење со грижа и добро однесување кон објекти кои имаат општокорисна вредност и се од заедничко значење за сите нас.

Изминатите 24 часа екипите на ЈКП”Водовод и канализација”Прилеп интервенираа два пати на исти објект поради причини предизвикани од наши несовесни сограѓани. Станува збор за фонтаната-чешма кај Итар Пејо која беше вандализирана, оштетена и ставена надвор од нејзината функција. Дежурните екипи ефикасно интервенираа, објектот е повторно вратен во употреба и е на располагање на минувачите со својата пивка вода за пиење.

Јасно е дека со личната надградба, грижата за екологијата и позитивниот пристап кон објекти ќе направиме да се чувствуваме добри граѓани и кон сопственото, но и кон заедницата во која живееме.

Сликите во прилог на овој апел говорат колку многу имаме за работа сите ние за еден ден да можеме да имаме ресурси да можеме да направиме чекор напред кон нови идеи и нивна реализација наместо губење на време и средства поради лошото и грубо однесување на поединци.

Сите сме на потег кон колективното одговорно живеење!” – се истакнува во апелот од ЈКП Водовод и каналзиација – Прилеп.



Сподели го ова:

Слични објави