Во спортската сала во СОУ “Ѓорче Петров”-Прилеп се одржаа натпревари во одбојка за средни училишта од општина Прилеп во женска конкуренција
Како што претходно извести нашата информативна редакција, во саботата беа одбележани 157 години од раѓањето на македонскиот професор, публицист, историчар и идеолог на Македонската револуционерна организација-Ѓорче Петров. Имено, Ѓорче Петров е роден на 2 април 1865 година во Варош-Прилеп, а загинал на 28 јуни 1921 година во Софија.
По повод 157 години од раѓањето на македонскиот револуционер, во петокот (01.04.2022) во спортската сала во СОУ “Ѓорче Петров”-Прилеп се одржаа натпревари во одбојка за средни училишта од општина Прилеп во женска конкуренција. Во спортски и пријателски амбиент првото место го освои екипата на СОУ “Ѓорче Петров”-Прилеп, победувајќи ја екипата на СОУ гим. “Мирче Ацев”-Прилеп со 2:1.
