Толку од летниот распуст! За една недела започнува новата учебна година
Понеделник, 01.09.2025 година ќе започне новата 2025/26 учебна година. За учениците, нема подобра алтернатива од настава во училница, бидејќи само така ќе стекнат повеќе и поквалитетни знаења, а интеракцијата со врсниците и со наставниците е од големо значење за нивната социјализација и правилен психофизички раст и развој.
Во сите училишта низ нашата земја се создадени сите неопходни услови за успешен почеток и тек на наставата.
Учебната година ќе започне со надеж за остварување на високи образовни резултати како од страна на наставниците, така и од страна на учениците, а целта е исто така да се обезбеди квалитетна настава за учениците.
