ВЕЧЕРВА ПРИЛЕП “ЌЕ ГОРИ” ОД ДОБРА МУЗИКА! “The four” вечерва ќе ги забавува прилепчани на камената бина како дел од проектот “Од нула до култура”
После богатата музичка агенда со настапи ширум цела наша земја, прилепскиот, но сепак светски музички бенд “The Four” четврток вечер ќе има свој музички настап во родниот Прилеп, односно на камената бина во центарот на Прилеп како дел од манифестацијата “Од нула до култура”.
Втората сезона на серијалот “Од 0 до Култура” ќе започне со познатата прилепска петорка “The FOUR” кои специјално пред прилепската публика ќе настапат со Tribute to Меморија & Каролина Гочева. Примарна цел на овој проект е да се влијае врз публиката со квалитетна музика, но и да обезбеди забава на отворен простор во летните месеци. The Four постои од 2016 година. Тоа е бенд кој изведува кавери на познати хитови од македонската и екс – ју сцената, како и популарни странски хитови. Настапува во кафетерии, ланџ барови и ноќни клубови во Прилеп и во градовите низ Македонија. Особено е популарен во соседна Битола. Исто така бендот настапува и на разни забави и јавни настани. Од основачите на бендот денес во составот се Даниел Павлоски, вокал и Душко Темелкоски, клавијатури. Други членови се маестро Рубин Димкоски на гитара, кој исто така е дел и од познатата група “Меморија”, како и Филип Бурнески на тапани. Од 2022 година во бендот се приклучува Теодора Зероска Тодороска како вокал, со што репертоарот се збогатува со оние т.н. „женски песни“.
Како и да е, очигледно е дека во четврток вечерта, прилепчани ќе имаат можност да уживаат во одличниот музички репертор кој што го изведуваат членовите на “The Four”.
